Íslendingafélagið í Kaupmannahöfn

Þjóðhátíð Íslendinga í Kaupmannahöfn 2013

admin — Thu, 09 May 2013 16:04:38 +0000

Þjóðhátíð 2013

admin — Thu, 09 May 2013 16:01:02 +0000

Nú styttist í Þjóðhátíð Íslendinga í Kaupmannahöfn 2013, sem að þessu sinni fer fram laugardaginn 15. júní á Femøren, Amager Strandpark. Af því tilefni auglýsum við eftir þér, sem prjónar, bakar, selur, málar, skrifar, ræktar, flytur inn, eða framleiðir eitthvað sem að þú vilt koma á framfæri. Áhugasamir sendi tölvupóst á netfangið: info@islendingafelagid.dk með nafni og því sem að þú vilt koma á framfæri.

Með kveðju,
ÍFK

Retro Stefson getraun

admin — Mon, 04 Mar 2013 12:33:22 +0000

Íslendingafélaginu hefur áskotnast 2 x 2 miðar á Retro Stefson tónleikana í Vega miðvikudaginn 17. 4. 2013, kl. 21:00. Áhugasamir vinsamlegast fyllið út viðeigandi upplýsingar hér í síðasta lagi 19. 3. 2013 og þið gætuð átt von á vinningi.

Páskabingó 2013

admin — Thu, 28 Feb 2013 17:06:40 +0000

Kæru Íslendingar.

Páskabingó ÍFK, verður haldið sunnudaginn 24. mars 2013, kl. 14:00, í Jónshúsi. Um er að ræða atburð fyrir alla fjölskylduna. Spilaðar verða sex umferðir þar sem í verðlaun eru vegleg íslensk páskaegg. Skráning og greiðsla (20 kr fyrir 1 blað með 3 bingóspjöldum) er nauðsynleg og fer fram hér. Félagar í ÍFK fá 1 blað ókeypis. Takmarkaður fjöldi þátttakenda.

Allir taka með sér góðgæti á kaffihlaðborðið!

Með páskakveðju,
Stjórnin

Matarboð félaga í ÍFK

admin — Mon, 18 Feb 2013 18:22:08 +0000

Íslendingafélagið í Kaupmannahöfn býður félagsmönnum sínum að þiggja kvöldmat – íslenskt lambalæri með meðlæti – í Jónshúsi, laugardaginn 2. mars kl. 19:00. Húsið verður opnað kl. 18:30. Ath. takmarkaður fjöldi. Skráning og greiðsla skráningargjalds (100 kr) er nauðsynleg og fer fram hér. Skuldlausir félagar í ÍFK fá síðan skráningargjaldið endurgreitt um kvöldið.

Þorrablót 2013

admin — Fri, 23 Nov 2012 11:13:46 +0000

Kæru Íslendingar og velunnarar.

Við endurtökum leikinn og kynnum:

Þorrablót ársins 2013.

Á Norðurbryggju (Nordatlantens Brygge), Strandgade 91, København K.
Laugardaginn 26. janúar 2013. Dyrnar verða opnaðar kl. 18:30. Borðhald hefst kl. 19:00.

Veislustjóri verður Þorvaldur Flemming Jensen.

Að borðhaldi loknu (kl. 22:00) verður slegið upp alvöru íslensku balli með söng og undirleik félaga úr hljómsveitunum Vinum Sjonna / Rokk. Það eru stuðboltarnir: Hreimur Örn Heimisson, Pálmi Sigurhjartarson, Vignir Snær Vigfússon, Benedikt Brynleifsson og Róbert Þórhallsson.

Miðasala fer fram á slóðinni: www.billetto.dk/blot

Miðaverð fyrir félagsmenn ÍFK er

300 kr. (matur og ball) og þurfa þeir að panta miða í tölvupósti hér. Miðarnir verða síðan afhentir í Jónshúsi í janúar 2013.

Miðaverð fyrir utanfélagsmenn er

400 kr. (matur og ball)

Miðaverð á ballið eingöngu er

150 kr.

Vi gentager succesen fra de seneste år og afholder:

Islandsk Thorrablot 2013.

På Nordatlantens Brygge, Strandgade 91, København K.
Lørdag d. 26. januar 2013. Dørene åbnes kl. 18:30. Middagen begynder kl. 19:00.

Aftenens vært vil være Þorvaldur Flemming Jensen.

Efter den traditionelle middag (kl. 22:00) begynder en ægte islandsk fest med musik og underholdning ved bandet Rokk. Hreimur Örn Heimisson, Pálmi Sigurhjartarson, Vignir Snær Vigfússon, Benedikt Brynleifsson og Róbert Þórhallsson.

Billetter sælges på: www.billetto.dk/blot

Billetpris for medlemmer i ÍFK (den Islandske Forening i København) er

300 kr. (mad og fest). Medlemmer skal bestille billetter her. Billetterne vil blive leveret i Jónshús i januar.

Billetpris for ikke-medlemmer er

400 kr. (mad og fest)

Billetpris for fest uden mad er

150 kr.

OBS! Arrangementet foregår på islandsk.

Jólabingó 2012

admin — Wed, 14 Nov 2012 13:21:31 +0000

ÍFK kynnir sitt árlega

Jólabingó

í Jónshúsi, sunnudaginn 2. desember 2012, kl. 14:00 – 16:00

Veglegir vinningar. Bingóspjöld verða seld á staðnum. 2 blöð með 6 spjöldum : 40 kr. Félagar í ÍFK fá eitt ókeypis blað með 3 spjöldum, gegn framvísun félagsskírteinis.

Takið með ykkur penna, einnig verður hægt að kaupa stimpla á staðnum. Eplaskífur og kakó til sölu í hléinu.

Takmarkaður fjöldi þátttakenda. Skráning fer fram hér.

Með jólakveðju,
Stjórnin

Aðalfundur Íslendingafélagsins í Kaupmannahöfn 2012

admin — Thu, 27 Sep 2012 08:37:31 +0000

Íslendingafélagið í Kaupmannahöfn, boðar til aðalfundar félagsins:

laugardaginn 27. október 2012, kl. 20:00

Aðalfundurinn verður haldinn í :

Jónshúsi
Øster Voldgade 12
1350 København K

Fundardagskrá verður með hefðbundnu sniði samkvæmt 7. grein samþykkta félagsins.

Samkvæmt 5. grein samþykkta félagsins, hafa einungis skuldlausir félagsmenn frá síðasta reikningsári (2011 til 2012) atkvæðisrétt og kjörgengi á aðalfundi.

Hverju árgjaldi fylgir eitt atkvæði.

Það verður mögulegt að greiða félagsgjaldið áður en aðalfundurinn hefst til að öðlast atkvæðisrétt og kjörgengi.

Dagskrá:
1. Kosning fundarstjóra og fundarritara.
2. Skýrsla um starfsemina á liðnu ári/stjórnartímabili.
3. Reikningar lagðir fram.
4. Lagabreytingar.
5. Kosningar í stjórn og nefndir.
6. Kosning endurskoðanda (tveir og einn til vara).
7. Ákvörðun árgjalda.
8. Önnur mál.

Tillögur að lagabreytingum er hægt að senda hér, í síðasta lagi 13. október nk.

Íslendingafélagið býður félagsmönnum sínum að þiggja kvöldmat á undan fundinum. Húsið verður opnað kl. 18:00 og borðhald hefst kl. 18:30. Ath. takmarkaður fjöldi. Skráning er nauðsynleg og fer fram hér. Munið félagsskírteini/kvittun fyrir greiðslu félagsgjalds.

Allir velkomnir og við vonumst til að sjá sem flesta.

Stjórnin

Velkomin á nýja heimasíðu ÍFK

admin — Tue, 04 Sep 2012 17:08:36 +0000

Í tilefni nýs starfsárs í haust óskum við eftir áhugasömum sem að vilja leggja okkur lið og starfa með hressu fólki. Þess vegna hvetjum við þig til að íhuga það að bjóða þig fram í stjórn ÍFK. Ekki hika við að hafa samband, t.d. í tölvupósti á netfangið hér.